Беларусы Чыкага святкуюць Купалле

Каля 100 гасцей сабралася на святкаванне Беларускага народнага свята Купалле 27.06.2021 . Мы святкавалі, адзінства беларусаў, мы ўспаміналі нашу радзіму. Мы далучаемся да акцыі Святланы Ціханоўскай- Тыдзень Беларускай Культуры.

Беларускім дыяспарам ва ўсім свеце: далучайцеся да тыдня нашай культуры 5-10 ліпеня.

Вось што мы прапануем зрабіць у яе падтрымку:

- Прачытаць верш Янкі Купалы «А хто там ідзе?» на мове той краіны, у якой вы жывяце, і апублікаваць запіс з хэштэгам #StandwithBelarus і #by_culture.

- Уладкаваць Купалле ў вашым горадзе ці мясцовасці.

- Правесці сумеснае выкананне беларускіх песень.

- Арганізаваць выставу, музычны канцэрт ці тэатралізаванае прадстаўленне з удзелам мясцовых беларусаў. Любая арт-акцыя ці культурнае мерапрыемства - гэта выдатны крок з вашага боку.

Далучайцеся, рабіце ўсё, што ў вашых сілах. Памятаеце: у кожным вершы і кожнай калыханкі для дзіцяці ўжо жыве наша агульная новая Беларусь ».